Mister Singh and Miss Kaur International Personality Contest which will be held on 5 April 2017 at phase 6, Mohali (Auditorium, Shivalik School)
We proudly present all information available with us which will surely encourage Sikh youth to take part in such events and will also accomplish the common goal of making youth realize the importance of Sikhi Saroop.
ਮਿਸਟਰ ਸਿੰਘ ਅਤੇ ਮਿਸ ਕੌਰ ਇੰਟਰਨੈਸ਼ਨਲ ਪਰਸਨੈਲਟੀ ਕੰਟੈਸਟ 5 ਅਪ੍ਰੈਲ ਨੂੰ
ਸਿੱਖ ਨੌਜਵਾਨਾਂ ਨੂੰ ਪਤਿਤਪੁਣੇ ਤੋਂ ਬਚਾਉਣ ਲਈ ਉਪਰਾਲਾ : ਜੇਪੀ ਸਿੰਘ
(+91 9876048000)
ਐਸ ਏ ਐਸ ਨਗਰ : ਰਾਸ਼ਟਰੀ ਪੱਧਰ ਤੇ ਮਿਸਟਰ ਸਿੰਘ
ਕਲਗੀਧਰ ਸੇਵਕ ਜਥਾ ਰਜ਼ਿ.
ਅਤੇ ਧਰਮ ਪ੍ਰਚਾਰ ਕਮੇਟੀ ਵਲੋਂ 5 ਅਪ੍ਰੈਲ ਨੂੰ ਸਾਬਤ ਸੂਰਤ ਸਿੱਖ ਨੌਜਵਾਨ ਬਚਿਆਂ ਲਈ ਅੰਤਰ ਰਾਸ਼ਟਰੀ ਪੱਧਰ ਤੇ ਮਿਸਟਰ ਸਿੰਘ ਅਤੇ ਮਿਸ ਕੌਰ ਇੰਟਰਨੈਸ਼ਨਲ ਪਰਸਨੈਲਟੀ ਕੰਟੈਸਟ 2017 ਦੇ ਭਾਰਤ ਚੈਪਟਰ ਦੇ ਫਾਈਨ ਮੁਕਾਬਲੇ ਸ਼ਿਵਾਲਿਕ ਸਕੂਲ ਫੇਜ਼ 6 ਦੇ ਆਡੀਟੋਰੀਅਮ ਵਿਖੇ ਕਰਵਾਏ ਜਾ ਰਹੇ ਹਨ।
ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸੰਸਥਾ ਦੇ ਪ੍ਰਧਾਨ ਜਤਿੰਦਰਪਾਲ ਸਿੰਘ ਜੇਪੀ ਨੇ ਦੱਸਿਆ ਕਿ ਕਲਗੀਧਰ ਸੇਵਕ ਜਥਾ ਅਤੇ ਧਰਮ ਪ੍ਰਚਾਰ ਕਮੇਟੀ ਵਲੋਂ ਇਹ ਮੁਕਾਬਲੇ ਪੰਜ ਮੁਲਕਾਂ ਕਨੇਡਾ, ਇੰਗਲੈਂਡ, ਨਿਊਜ਼ੀਲੈਂਡ, ਨਿਊਯਾਰਕ ਅਤੇ ਸਿਡਟੀ ਵਿਚ ਕਰਵਾਏ ਜਾਣੇ ਹਨ ਜਿਨ੍ਹਾਂ ਦਾ ਫਾਈਨਲ ਆਸਟ੍ਰੇਲੀਆ ਦੇ ਮੈਲਬਰਨ ਸ਼ਹਿਰ ਵਿਚ ਹੋਵੇਗਾ।
ਉਨ੍ਹਾਂ ਦੱਸਿਆ ਕਿ ਇਸ ਸਬੰਧੀ ਦੇਸ਼ ਦੇ ਵੱਖ ਵੱਖ ਸ਼ਹਿਰਾਂ ਵਿਚ ਆਡੀਸ਼ਨ ਲੈ ਕੇ ਫਾਈਨਲ ਵਿਚ ਹਿੱਸਾ ਲੈਣ ਵਾਲੇ ਸਾਬਤ ਸੂਰਤ ਨੌਜਵਾਨ ਕੰਟੈਸਟੈਂਟ ਚੁਣੇ ਗਏ ਹਨ ਜਿਨ੍ਹਾਂ ਦੇ ਫਾਈਨਲ ਮੁਕਾਬਲੇ 5 ਅਪ੍ਰੈਲ ਨੂੰ ਮੋਹਾਲੀ ਦੇ ਸ਼ਿਵਾਲਿਕ ਸਕੂਲ ਫੇਜ਼ 6 ਵਿਖੇ ਸ਼ਾਮ 5 ਵਜੇ ਹੋਣਗੇ। ਇਨ੍ਹਾਂ ਮੁਕਾਬਲਿਆਂ ਵਿਚ ਜੇਤੂਆਂ ਨੂੰ ਅੰਦਾਜ਼-ਏ-ਸਿੱਖੀ, ਸਰਦਾਰਨੀ ਅਤੇ ਸਰਦਾਰਜੀ ਪਰਸਨੈਲਟੀ ਅਵਾਰਡ ਦਿੱਤੇ ਜਾਣਗੇ। ਇਸ ਤੋਂ ਇਲਾਵਾ ਸੋਹਣੀ ਦਸਤਾਰ, ਦਿੱਖ, ਪਰਸਨੈਲਟੀ ਆਦਿ ਦੇ ਅਵਾਰਡ ਵੀ ਦੋਹਾਂ ਕੈਟਾਗਰੀਆਂ ਵਿਚ ਦਿੱਤੇ ਜਾਣਗੇ। ਸਰਦਾਰਨੀ ਅਤੇ ਸਰਦਾਰ ਜੀ ਪਰਸਨੈਲਟੀ ਅਵਾਰਡ ਜਿੱਤਣ ਵਾਲੇ ਮੈਲਬਰਨ ਵਿਚ ਹੋਣ ਵਾਲੇ ਫਾਈਨਲ ਵਿਚ ਹਿੱਸਾ ਲੈਣਗੇ।
ਜਤਿੰਦਰਪਾਲ ਸਿੰਘ ਜੇਪੀ ਨੇ ਕਿਹਾ ਕਿ ਨੌਜਵਾਨ ਸਿੱਖ ਲੜਕੇ ਲੜਕੀਆਂ ਨੂੰ ਪਤਿਤਪੁਣੇ ਤੋਂ ਬਚਾਉਣ ਲਈ ਇਹ ਕਦਮ ਚੁੱਕਿਆ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਪਿਛਲੇ ਸਮੇਂ ਦੌਰਾਨ ਵੀ ਸੰਸਥਾ ਵਲੋਂ ਇਹ ਮੁਕਾਬਲੇ ਮੋਹਾਲੀ ਵਿਚ ਕਰਵਾਏ ਜਾ ਚੁੱਕੇ ਹਨ ਜਿਨ੍ਹਾਂ ਵਿਚ ਜੇਤੂ ਰਹਿਣ ਵਾਲੇ ਸਿੱਖ ਨੌਜਵਾਨ ਲੜਕੇ ਲੜਕੀਆਂ ਪਾਲੀਵੁਡ ਅਤੇ ਬਾਲੀਵੁਡ ਵਿਚ ਕੰਮ ਕਰ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਮੋਹਾਲੀ ਵਿਖੇ 5 ਅਪ੍ਰੈਲ ਨੂੰ ਹੋਣ ਵਾਲੇ ਮੁਕਾਬਲਿਆਂ ਵਿਚ ਜੱਜਮੈਂਟ ਦੀ ਭੂਮਿਕਾ ਪੰਜਾਬੀ ਸਿਨੇਮਾ ਦੇ ਨਾਮਵਰ ਅਦਾਕਾਰ ਨਿਭਾਉਣਗੇ।
ਇਸ ਮੌਕੇ ਪੰਜਾਬੀ ਵਿਰਸੇ ਨਾਲ ਸਬੰਧਤ ਲੋਕ ਨਾਚ ਮਲਵਈ ਗਿੱਧਾ, ਭੰਗੜਾ ਅਤੇ ਸਿੱਖ ਮਾਰਸ਼ਲ ਆਰਟ ਗਤਕਾ ਦਾ ਆਯੋਜਨ ਵੀ ਕੀਤਾ ਜਾਵੇਗਾ।
Previous events
